فن ومشاهير /أخبار المشاهير

ريهام سعيد تواجه اتهامات بفبركة قصة مرضها القاتل .. وترد بقسوة على منتقديها

ريهام سعيد واجهت اتهاما بفبركة قصة المرض
ريهام سعيد تنفى خضوعها لجراحة تجميل فاشلة
ريهام سعيد تقسو على من اتهمها بفبركة المرض
ريهام سعيد ستظهر اليوم للمرة الأولى عبر برنامجها صبايا
ريهام تؤكد أنها لا تحتاج تعاطفا من أحد
ريهام ستكشف قصة مرضها بالصور اليوم
ريهام سعيد أعلنت تعافيها من المرض الغامض وعودتها لتقديم برنامجها
ريهام خضعت لجراحة إزالة الأنف بالكامل
ريهام أعادت بناء أنف جديد اعتمادا على غضاريف الأذن
ريهام سعيد تشن هجوما على من اتهموها بفبركة قصة المرض

قبل ساعات قليلة من ظهورها للمرة الأولى عبر برنامجها "صبايا" واجهت الإعلامية المصرية ريهام سعيد اتهاما مباشرا بفبركة قصة مرضها سعيا لجذب تعاطف جمهورها أسوة بما حدث لزميلها شريف مدكور بعد إعلانه الإصابة بمرض السرطان، وتأكيد البعض أن "قصة المرض" كانت حيلة لإخفاء آثار عملية تجميل فاشلة في الأنف، وردت ريهام على كل الانتقادات عبر مقطع فيديو ظهرت فيه للمرة الأولى بعد تعافيها من المرض.

 

ريهام قالت أنها سترد بكلمات قاسية على كل من اتهمها بفبركة قصة مرضها عبر هذا المقطع، لأنها لن تستطيع أن تقوله في برنامجها "صبايا" وبدأت سعيد الرد على الاتهامات بسب كل من تحدث عن مرضها قائلة: أنا شيفاها سفالة وقلة ذوق وقلة رحمة، هل أنا هقعد حابسة نفسى في البيت شهر علشان أمثل إنى تعبانة؟ هل أنا لميت تبرعات على مرضى؟ هل لما تعاطفت معايا مرتبى زاد؟

 

تابعت قائلة: أنا ست كويسة غصب عنك، ربنا بيبتلينى علشان بيحنى، أنا مطلعتش أعيط للناس وأعمل فيديوهات وأقول الحقونى، على فكرة أنا بقالى 3 شهور عيانة ومقولتش لحد، دايما قوية وعمرى ما تاجرت بحاجة، وأنا مبحبش أصعب على حد ومبحبش حد يتعاطف معايا، وأنا ست قوية جدا بإيمانى بالناس اللى هتقف معايا، أنا عملت خير كتير جدا في حياتى وواثقة إن ربنا هيطلعنى من أى حاجة وحشة.

 

وأضافت: هو أنا أصلا كنت محتاجة تجميل في مناخيرى؟ ولا محتاجة تجميل في أى حاجة؟ وحتى لو عملت عملية تجميل انت مالك، دى حرية شخصية، انت مالك، أنا تعبت وكنت بموت زى أى واحد، للناس المريضة دى، على فكرة مبيكذبش غير الكذاب ومبيخونش غير الخاينين، يعني شريف مدكور لما كان بيستقبل الناس في بيته يبقى كدا هو مكنش عنده كانسر؟ كان بيمثل؟ هل هو الواحد لازم يموت علشان ميكنش بيمثل، هل لازم يكون خبر وفاتى النهارده علشان تقول إنها مش بتكذب".

وواصلت ردها على منتقديها بقولها: أنا كنت عيانة وخفيت وراجعة أحسن وأقوى من الأول وراجعة برنامجى وهيبقى أحسن من الأول، بإذن الله بإذن الله، يوم الأحد هتبقوا مكسوفين أوي علشان كنت مصورة كل اللى حصل، أد إيه هى حاجة قذرة إنك تثبت للناس إنك كنت بتموت، أنا قلت لما أموت ادعولى مش اتعاطفوا معايا، أنا مش عايزة أصعب على حد أنا طلبت الدعاء بس، الدكتور لما تشوفوه هيقولك اللى حصل دا معجزة، كان على طول يقولى إنتى محتاجة معجزة، لو مستكتر عليا إني أنا أخف دى مشكلتك، لو مستكتر عليا إني أنا أرجع شغلى وأعيش حياتى، وكنت عاوز خبر وفاتى للأسف دا مش وقتى.

اللافت أن هاشتاق ريهام سعيد تصدر التريند المحلى لموقع تويتر بعد دقائق من بث الفيديو، وتساءل عدد كبير من رواد تويتر عن كيفية ظهورها بدون أي أثر لجراحة، رغم تأكيدها أنها خضعت لعملية إزالة الأنف بالكامل وزرع أنف جديد بدلا منه، وطالب البعض بانتظار ظهور ريهام اليوم الأحد لتكشف بنفسها قصة مرضها منذ البداية وحتى الآن.

 

يذكر أن الإعلامية المصرية ريهام سعيد كشفت منتصف الأسبوع الماضي عن تعافيها نهائيا من الفيروس الغامض، وقالت إنها بصدد العودة لممارسة حياتها بصورة طبيعية، وأكدت ان طبيبها الخاص اعتبر نجاتها من المرض معجزة طبية تحققت بفضل دعاء جمهورها ومتابعيها!!

 

ريهام نشرت صورة لها عبر حسابها بموقع استفرام وعلقت عليها قائلة: الدكتور سمح لي بالعودة لحياتي الطبيعية. وبيقول لي ده حصل معجزه. المعجزة دي حصلت بدعائكم. بجد شكرا

 

وباغتت الجميع بإعلان عودتها لتقديم برنامجها قائلة: مش مصدقه إني راجعه شغلي صحيح من غير ودان ونص مناخير بس ألف حمد وشكر.

مواضيع ممكن أن تعجبك

أضف تعليقا

X