فن ومشاهير /أخبار المشاهير

حملة تعاطف واسعة مع أحمد السعدني بعد كلماته المؤثرة عن زوجته

أحمد السعدني
أحمد السعدني
أحمد السعدني
أحمد السعدني
أحمد السعدني مع طليقته وأبناءه
أحمد السعدني مع طليقته وأبناءه
أحمد السعدني مع طليقته

 

شهدت مواقع التواصل الاجتماعي حملة تعاطف مع الفنان أحمد السعدني، بعد كلماته المؤثرة التي كتبها عن طليقته الراحلة، وأبدى عدد كبير من محبيه تعاطفهم معه، خصوصًا بعد أن أكد إحساسه بالندم بسبب إهماله لطليقته، وعدم تحمّله للمسؤولية في حياتها. وعلى الجانب الآخر تعرّض السعدني لهجوم من البعض ممن اتهموه بالتقصير في حق السيدة الراحلة، وعدم إعطائها حقها. ما دفع عددًا من زملاء السعدني للرد على المهاجمين بتغريدات، منهم المخرجة بتول عرفة التي كتبت: "الناس اللي علّقت على بوست أحمد السعدني باستخفاف وقلة ذوق، إنتو أكيد مش بني آدمين ولا عندكم إنسانية، الراجل في لحظة وجع وضعف وقلة حيلة، ربنا ما يكتبهم على حد، احترموا لحظة الموت احترموا، إحنا في يوم عرفة يعني يوم التسامح، اللي عنده دعاء ليه ولمراته الله يرحمها يقوله، واللي معندوش ياريت يسكت خالص". 

وكان السعدني قد نشر عبر حسابه على انستقرام منشورًا مطولًا تحدث فيه عن طليقته بعد وفاتها، قال فيه :"عمري في حياتي ما اتكلمت عن حياتي الشخصية لكن حسيت إني لازم أعمل كده دلوقتي.. فذكّر إنّ الذكرى تنفع (المؤمنين) أو الكافرين أو المستهبلين، أو تنفع أيّ حد هحسّ إني عملت حاجة، هحاول مطولش".

 


بدأ السعدني الحكاية كما رواها بقوله: "يوم ٩/٩/٢٠٠٣ حبّ من أول نظرة في الشارع، ما بين معهد السينما حيث كانت تدرس، ومعهد فنون مسرحية حيث كنت ألهو وأدرس، برضه ميضرش كنت راكب عربية وكانت ماشيه على رجليها كنت هخبطها لكن حصل خير، لا محصلش قوي خبطتتي هي في قلبي حب تقطيع شرايين سنة خطوبة، سنة كتب كتاب، شهر جواز، خلفة أول ولد هنا بدأت المشكله اللي بكتب الكلام ده عشانها".

لم أعتد تحمّل المسؤولية


تابع السعدني: "أنا زيّ كتير للأسف شباب anti تحمّل مسؤولية، بص لنِسب الطلاق وأنت تفهم، أنا بيجيلي ارتيكريه لما أحس إني مسؤول وهي برضه حبيبتي زي بنات كتير بتقول طلقني أكتر مبتنطق اسمي كانت النتيجة في أول سنة بس، حوالى ٤ طلاق شفهي، كل الشيوخ ساعتها قالولنا ده لعب عيال، الطلاق ليه شروط زيّ الجواز تمام، أسكت بقى لا تعالى يا عم طبق الشروط أدي أول طلقه".

أضاف السعدني: "قشطة يا باشا عشت حياتك ؟ آه ...ارتحت ؟؟ لا.. وحشتني وحشني حنيّتها وحبها وهبلها متيجي نرجع يا بت يالا يا متخلف هوووووب جبنا تاني ولد نفس الإحساس نفس الارتكريه بس المرة دي صموووود مش هينفع نتطلق تاني، لا تصدق نفعت، الجانب الأناني في شخصيتي غلبني يا عم كبّر مخك وعيش حياتك، المشكلة إني عمري مارتحت كنت عايز حضنها وحنيتها وهبلها، بس كنت بأجل الرجوع يمكن أكبر أو أعقل أو أقدر اتحمّل المسؤولية بجد حددت لنفسي سن معين أرجعلها فيه، قال يعني هبقى نضجت بس ملحقتش".

لم تكن تعاني أيّ أمراض


وتابع: "ماتت في لحظة كانت بتكلمني قبلها بساعة، ومكنتش عيّانة كان عندها ضغط زيّ أغلب الشعب المصري.. الحمد لله.. ماتت ومشيت وقررت تسيبني للأبد، كنت فاكرها هتستناني ومتأكد من ده، مستحيل تحب حد غيري مجاش في بالي إنها ممكن تموت، دلوقتي صغيّرة وأكتر واحدة في حياتي شفتها بتحب الحياة وعندها طاقة إيجابية، ماتت وسابتلي الولدين والندم".

أكمل السعدني كلماته المؤثرة: "أنا متاكد إنّك في الجنة رحتي للي خلقك يوم عرفة وأميرة وست البنات والستات، ونضيفة وكريمة وصنتي ولادي وبيتي.. بحبك يا أمل حياتي اللي اتهد، وبوعدك المرة دي هشيل المسؤولية، للأسف اتعلمت الدرس بس بعد ما اتحرمت من حنيّتك وحضنك، وولادك كمان اتحرموا من أحنّ أم، ربنا يقدرني وأربيهم أحسن ما كنتي عايزة.. بحبك ومش بطلب منك غير إنك تسامحيني.. ربنا يرحمك ويرحمني ويرحم ولادنا يا حبيبة عمري الوحيدة.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

 

مواضيع ممكن أن تعجبك

أضف تعليقا

X